Mjeku i Kosharës që ishte në front të luftës pa armë (VIDEO)

Ani se nuk mbanin armë, frontit të luftës nuk iu ndanë.

Mjekët kosovarë qëndruan krah për krah ushtarëve të UÇK-së në betejën e Koshares ku intervenimet tek luftëtarët e lënduar ishin të përditshme.

Njëri nga ta ishte edhe doktori nga Mitrovica, Armend Agolli, që la Suedinë për idealin e lirisë, njofton Klan Kosova.

Ky i fundit në 24 vjetorin e rënies së Agim Ramadanit tha se kishin kushte modeste por ndihmat për ushtarakët i jepnin edhe në teren. E ndonëse punonin vullnetarisht, doktorët e asaj periudhe siç tha Agolli nuk është se nuk ndjen frikë, kohë pas kohe.

Agolli tha se ndihet krenar që arriti të jap kontribut në atë organizim që ky e quajti të mrekullueshëm e që bëri kthesë të madhe në historinë e Kosovës.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.