Gjendet pa shenja jete një 65-vjeçar në Korçë

Trupi i tij është konstatuar në një përrua të thatë nga banorë të zonës, të cilët kanë njoftuar menjëherë autoritetet.

Në trupin e tij nuk janë evidentuar shenja dhune, ndërsa dyshimet e para janë se 65-vjeçari mund të ketë ndërruar jetë për shkaqe natyrale.

Në vendngjarje ka mbërritur grupi hetimor, i cili po punon për identifikimin e viktimës dhe zbardhjen e plotë të rrethanave të ngjarjes.

Ndërkohë, trupi është transportuar në morgun e spitalit të Korçës, ku do t’i nënshtrohet ekspertizës mjeko-ligjore për përcaktimin e saktë të shkakut të vdekjes./abcnews.al