LIVE: Rusia vendos në gatishmëri forcat e parandalimit bërthamor, i përgjigjet SHBA-ja (VIDEO) NULL NULL 27.02.2022 08:12 27.02.2022 08:12 Nëse sapo po na bashkoheni, ja një vështrim prapa në disa nga zhvillimet më të mëdha të sotme: SHBA-ja i përgjigjet Rusisë për vendosjen në gatishmëri të forcat të parandalimit bërthamor Zelensky pranon bisedimet me Rusinë, caktohet vendi Në ditën e katërt të luftës Rusi-Ukrainë, trupat hynë në qytetin e dytë më të madh të Ukrainës, Kharkiv në veri-lindje, thonë zyrtarët lokalë. Por forcat ukrainase rifituan kontrollin e qytetit kyç të Kharkiv, tha guvernatori rajonal, kryteari i Kharkivit, Oleh Synyehubov, ka bërë të ditur se forcat ukrainase kanë arritur që ta kthejnë këtë qytet nën kontrollin e tyre, Një numër i madh njerëzish vazhdojnë të ikin nga Ukraina për në vendet fqinje si: Polonia dhe Moldavia. Vendet perëndimore thonë se do të heqin disa banka ruse nga rrjeti Swift, duke i shkëputur ato nga sistemi financiar ndërkombëtar. SHBA, Gjermania dhe Holanda po dërgojnë më shumë armë për të ndihmuar përpjekjet luftarake të Ukrainës. 00:18 – “Sot ka qenë një ditë e vështirë për forcat ukrainase” Shtabi i përgjithshëm i forcave të armatosura të Ukrainës e përshkroi të dielën si “një ditë të vështirë”, duke thënë se trupat ruse vazhdojnë granatimet në pothuajse të gjitha drejtimet. Në një postim në gjuhën angleze në faqen e tij në Facebook, shtabi i përgjithshëm tha se forcat ajrore të vendit përballen me agresorin si në qiell ashtu edhe në tokë. “Një garnizon i aviacionit në Vasylkiv u mbajt heroikisht, megjithë granatimet masive dhe sulmet e armikut”. “Teknologjia ruse u shkatërrua në një numër vendesh dhe forcat raketore anti-ajrore rrëzuan një helikopter rus dhe një dron”, shtoi shtabi. 22:52 – FIFA nuk ia ndalon Rusisë pjesëmarrjen në Kupën e Botës, por ia ndalon flamurin, himnin, emrin FIFA ka vendosur të mos e ndalojë ekipin futbollistik të Rusisë nga garat ndërkombëtare, por ka njoftuar një sërë kufizimesh ku përfshihen mos-luajtja e ndeshjeve në territorin e Rusisë, lujtja në një vend nikoqir apo neutral pa praninë e tifozëve, si dhe paraqitjen në çdo garë nën emrin “Unioni i Futbollit të Rusisë”, si dhe pa flamur apo himn. Njoftimi i organi drejtues të futbollit vjen pas një sërë deklaratash nga federatat kombëtare të futbollit, me Federatë angleze që njoftoi se skuadrat e Anglisë nuk do të luajnë ndeshje kundër Rusisë. Suedia, Polonia dhe Republika Çeke, të cilat të gjitha u hodhën në short në seksionin e Rusisë për play-offet kualifikuese të Kupës së Botës, po ashtu kanë thënë se nuk do të luanin kundër Rusisë. “Asnjë kompeticion ndërkombëtar nuk do të luhet në territorin e Rusisë, ku ndeshjet “shtëpi” luhen në territor neutral dhe pa shikues”, thuhet në deklaratë. “Shoqata anëtare që përfaqëson Rusinë do të marrë pjesë në çdo garë nën emrin “Unioni i Futbollit të Rusisë”. “Së pari dhe më kryesorja, FIFA dëshiron të përsërisë dënimin e saj për përdorimin e forcës nga Rusia në pushtimin e saj në Ukrainë. Dhuna nuk është kurrë një zgjidhje dhe FIFA shpreh solidaritetin e saj më të thellë për të gjithë njerëzit e prekur nga ajo që po ndodh në Ukrainë. FIFA bën thirrje sërish për rivendosjen urgjente të paqes dhe për fillimin e dialogut konstruktiv menjëherë”, thuhet në deklaratën e organit qeverisës. “FIFA mbetet në kontakt të ngushtë me Shoqatën e Futbollit të Ukrainës dhe anëtarët e komunitetit të futbollit ukrainas të cilët kanë kërkuar mbështetje për t’u larguar nga vendi për sa kohë që konflikti aktual vazhdon”. 22:31 – Gërvalla: Kosova do bëjë gjithçka për ta ndihmuar Ukrainën që ta fitojë këtë luftë Ministrja e Punëve të Jashtme, Donika Gërvalla, ka thënë se Kosova do të bëjë gjithçka që është e mundur për të ndihmuar Ukrainën që të fitojë luftën ndaj Rusisë. Gërvalla e quajti presidentin rus, Vladimir Putinin një diktator, dhe tha se agresioni i këtij të fundit ndaj Ukrainës i kujton kohën më të keqe në historinë e re, kur Kosova u sulmua “nga liderë të ngjashëm brutalë të Serbisë”. “Agresioni ndaj Ukrainës nga diktatori rus Putin na kujton kohën më të keqe në historinë tonë të re kur Kosova u sulmua nga liderë të ngjashëm brutalë të Serbisë”, ka shkruar ministrja në një postim në Twitter, transmeton Klankosova.tv. “Kosova do të bëjë gjithçka që është e mundur për të ndihmuar Ukrainën dhe botën demokratike që ta fitojë këtë luftë”, u shpreh tutje Gërvalla. 22:06 – Deklaron Borrell: BE nuk do ofrojë vetëm armë për Ukrainën, por edhe avionë luftarakë Shefi i diplomacisë europiane, Josep Borrell, ka bërë të ditur se mbështetja ushtarake ndaj Ukrainës, do të rritet nga Bashkimi Europian. Ai në një konferencë për media, pohoi se BE, nuk do të ofrojë vetëm armë për Ukrainën, përcjell Klankosova.tv. “Ne do të ofrojmë jo vetëm armë dhe municione, por edhe avionë luftarakë. Nuk po flasim vetëm për municione. Ne po furnizojmë armë më të rëndësishme për luftën”. 352 civilë ukrainas të vdekur nga sulmet ruse, prej tyre 14 fëmijë Ministria e Shëndetësisë e Ukrainës ka bërë të ditur se 352 civilë, përfshirë 14 fëmijë, janë vrarë që nga fillimi i sulmeve ruse ndaj Ukrainës. Ministria shtoi se 1,684 njerëz, përfshirë 116 fëmijë, janë plagosur, raporton Sky News, transmeton Klankosova.tv. Shikoni sesi Bayraktar shkatërron sistemin raketor rus në rajonin Zhytomyr (VIDEO) Droni Bayraktar TB2 i prodhuar nga Turqia ka shkatërruar sistemin raketor rus. Ky sulm thuhet se ka ndodhur në rajonin e Zhytomyr. Kujtojmë se kjo është dita e katërt e luftimeve në Ukrainë, transmeton Klankosova.tv. Parlamenti Kulturor Evropian e dënon luftën në Ukrainë Parlamenti Kulturor Evropian ka bërë të ditur se e mbështesin kombin dhe popullin ukrainas në luftën e tyre për pavarësi, dinjitet dhe liri. Në një reagim lëshuar anëtarëve të këtij institucioni ndërkombëtar thuhet se duhet të dënohen përpjekjet e Rusisë për të vendosur sërish perandorinë sovjetike shtypëse. “Është detyrë dhe detyrimi ynë që të zgjedhim vlerat evropiane të demokracisë liberale dhe të qëndrojmë fort pas këtyre vlerave. Është përgjegjësia jonë si intelektualë, artistë dhe qytetarë të punojmë për një të ardhme paqësore të bazuar në vlerat njerëzore”, thuhet në një reagim. Anëtarë nga Kosova në Parlamentin Kulturor Evropian janë Erzen Shkololli, Memli Krasniqi, Eliza Hoxha, Veton Nurkollari, Jeton Neziraj dhe Fatos Berisha. Lajmet për luftën në Ukrainë po rëndojnë psikologjikisht kosovarët (VIDEO) Që nga e enjtja kur Rusia nisi sulmet mbi Ukrainën, lajmet për këtë zhvillim nuk u ndalën. Një gjë e tillë e të raportuarit nga psikologia Sihana Bejtullahu po vlerësohet se mund të ketë ndikim jo të mirë psikologjik tek lexuesit kosovar dhe të ngjallë pasiguri. Sipas Bejtullahut, më e mira në këso situate do të ishte që kosovarët të zgjedhin një balancë mes informimit dhe ruajtjes së shëndetit mendor, dhe të mos besojnë të gjitha mediat që lexojnë. Pos që e rëndojnë psiqikisht lexuesin, ato mund të krijojnë trauma sipas sociologes Dhurata Prokshi. Ajo apelon për kujdes të shtuar edhe nga mediat online. 18:25 – Rusia pranon humbjet për herë të parë Për herë të parë, ministria ruse e Mbrojtjes ka pranuar humbje në Ukrainë, por nuk ka dhënë shifra. “Ka pasur të vrarë dhe të plagosur në mesin e ushtrisë ruse gjatë rrjedhës së operacionit ushtarak special”, tha ministria e mbrojtjes në Moskë në një deklaratë të cituar nga agjencia e lajmeve TASS. “Humbjet e pësuara nga forcat e armatosura ruse janë disa herë më pak se numri i nacionalistëve të shfarosur”, thuhet në deklaratë, shkruan BBC, transmeton Klankosova. 17:59 – Zelensky për bisedimet në Pripyat: Nuk besoj vërtet në rezultatin e këtij takimi, por le të provojmë Presidenti ukrainas po vëren se është e nevojshme të provohet, në mënyrë që më vonë asnjë ukrainas i vetëm të mos ketë dyshim se ai, si president, “nuk u përpoq ta ndalonte luftën, kur kishte një shans, megjithëse të vogël”. Sipas një korrespondenti të UNIAN, ai e tha këtë në një video-mesazh të postuar në kanalin e tij Telegram, transmeton Klankosova.tv. “Aleksandër Lukashenko u kthye nga unë që delegacioni ukrainas dhe rus të takohen në lumin Pripyat. Theksoj, pa asnjë kusht. Sinqerisht, si gjithmonë, nuk besoj vërtet në rezultatin e këtij takimi. Por le të përpiqen. Kështu që se më vonë asnjë qytetar i Ukrainës nuk do të ketë, nuk kishte as më të voglin dyshim se unë si president nuk u përpoqa ta ndaloja luftën kur kishte një shans, megjithëse të vogël”, theksoi Zelensky. 17:55 – Ushtari rus pendohet se iu fut luftës kundër Ukrainës: Nuk e kam menduar, Një ushtar rus ka pranuar dorëzimin e tij gjatë betejës përballë forcave ukrainase. Megjithatë kur ai është pyetur se pse vendosi t’i bashkohej Rusisë në këtë luftë kundër Ukrainës, ai është shprehur se një vendim të tillë nuk e kishte menduar fare, përcjell Klankosova.tv. ”Nuk e kam menduar, është e gjitha propagandë – i urrej ata”, shprehet ai në një deklarim të tij në një video të publikuar që po qarkullon në rrjete sociale e të cilën për shkak të pamjeve të ndjeshme nuk i sollëm për lexuesit. 17:42 – BE-ja shton ndihmën për Ukrainën, për herë të parë do të dërgojë armë në një vend të sulmuar BE-ja ka intensifikuar ndihmat e saj për Ukrainën ndaj agresorit rus, duke vendosur të dërgojë armë dhe ndihma tjera, për herë të parë në histori të Bashkimit Evropian, sa i përket vendeve të treta. “Ne jemi duke rritur mbështetjen tonë për Ukrainën”, tha kryetarja e Komisionit Evropian, Ursula Von der Leyen. “Për herë të parë, BE do të financojë blerjen dhe dërgimin e armëve dhe pajisjeve në një vend të sulmuar”, shtoi tutje ajo, transmeton Klankosova.tv. “Ne gjithashtu po forcojmë sanksionet tona kundër Kremlinit. Së pari, ne po mbyllim hapësirën ajrore të BE-së për avionët në pronësi ruse, të regjistruara ruse ose të kontrolluara nga Rusia. Ata nuk do të jenë në gjendje të zbresin, të ngrihen ose të fluturojnë mbi territorin e BE-së. Përfshirë avionët privatë të oligarkëve”. “Së dyti, ne do të ndalojmë makinën mediatike të Kremlinit në BE. Kompanitë shtetërore Russia Today dhe Sputnik dhe filialet e tyre, nuk do të jenë më në gjendje të përhapin gënjeshtrat e tyre për të justifikuar luftën e Putinit. Ne po zhvillojmë mjete për të ndaluar dezinformimin e tyre toksik dhe të dëmshëm në Evropë”, thuhet tutje në njoftimin e masave. “Së treti, ne do të synojmë agresorin tjetër në këtë luftë, regjimin e Lukashenkos, me një paketë të re sanksionesh, duke goditur sektorët e tyre më të rëndësishëm. Të gjitha këto masa vijnë në krye të paketës së fortë të paraqitur dje, të rënë dakord nga partnerët tanë ndërkombëtarë”. Tutje, der Leyen duartrokiti veprimet e presidentit ukrainas, Volodymir Zelensky. “Udhëheqja e tij, guximi i tij dhe qëndrueshmëria e popullit ukrainas janë një frymëzim për të gjithë ne”, shkroi ajo, duke shtuar se do i mirëpresin refugjatët ukrainas. “Ne i mirëpresim krahëhapur ata që duhet të ikin nga bombat e Putinit”. “Ne mbështesim shtetet tona anëtare lindore në pritjen dhe kujdesin për këta refugjatë”. First, we are shutting down the EU airspace for Russian-owned, Russian registered or Russian-controlled aircraft. They won’t be able to land in, take off or overfly the territory of the EU. Including the private jets of oligarchs. pic.twitter.com/o551M9zekQ — Ursula von der Leyen (@vonderleyen) February 27, 2022 17:00 – Putin ka përdorur dy të tretat e fuqisë totale luftarake ruse të grumbulluar për pushtim, thotë zyrtari amerikan i mbrojtjes “Presidenti rus Vladimir Putin ka përdorur dy të tretat e fuqisë totale luftarake ruse që i ka dërguar për këtë pushtim”, u tha gazetarëve një zyrtar i lartë i mbrojtjes amerikane. “Kjo do të thotë se ai ende ka një të tretën jashtë Ukrainës, gjë që nuk është e parëndësishme”, tha zyrtari. Shtetet e Bashkuara kanë vlerësuar se që nga mëngjesi i sotëm forcat ruse kanë lëshuar më shumë se 320 raketa. “Shumica e këtyre raketave janë raketa balistike me rreze të shkurtër veprimi”, shtoi zyrtari. 16:47 – Spanja do të mbyllë hapësirën ajrore për linjat ajrore ruse Spanja do të mbyllë hapësirën e saj ajrore për linjat ajrore ruse, sipas Ministrisë spanjolle të Transportit. Ministria e Transportit njoftoi masën, duke thënë se vendi do të mbyllë hapësirën e ajrore për linjat ajrore ruse, duke ndjekur direktivat e bashkëpunimit të Bashkimit Evropian, njofton CNN, transmeton Klankosova.tv. Spanja i bashkohet një morie vendesh të tjera që kanë mbyllur hapësirën e tyre ajrore për linjat ajrore ruse këtë fundjavë në vazhdën e pushtimit rus të Ukrainës, duke përfshirë Gjermaninë, Italinë, Francën dhe Kanadanë. 16:27 – Bisedimet Ukrainë-Rusi do të zhvillohen nesër, thotë zyrtari ukrainas Zëvendësministri i Brendshëm i Ukrainës, Evgeny Yenin, thotë se bisedimet mes delegacioneve ruse dhe ukrainase do të zhvillohen të hënën në mëngjes, me orën lokale. “Politikanët kanë rënë dakord që delegacioni ukrainas do të takohet me delegacionin rus pa parakushte në kufirin ukrainas-bjellorusi, pranë lumit Pripyat”, tha zyra e tij. “Aleksander Lukashenko ka marrë përgjegjësinë për të siguruar që të gjithë avionët, helikopterët dhe raketat e stacionuara në territorin Bjellorusi do të qëndrojnë në terren gjatë udhëtimit, takimit dhe kthimit të delegacionit ukrainas”, shtoi zyra. Zyra e Presidentit, Volodymyr Zelensky, tha se presidenti i Bjellorusisë, Aleksander Lukashenko, e ka telefonuar presidentin ukrainas të dielën, raporton CNN, transmeton Klankosova.tv. 16:04 – Shtëpia e Bardhë: Rusia në asnjë moment nuk ka qenë nën kërcënimin e NATO-s Në asnjë moment Rusia nuk ka qenë nën kërcënimin e NATO-s, ka thënë sekretarja e shtypit e Shtëpisë së Bardhë, Jen Psaki, si përgjigje ndaj presidentit Putin që i vendosi forcat bërthamore të Rusisë në “gatishmëri speciale”. Putin fajësoi liderët e NATO-s se lejuan të bëhen “deklarata agresive” kundër Rusisë. Por Psaki tha se ishte një përgjigje e njohur nga presidenti rus. “Ne e kemi parë atë të bëjë këtë herë pas here. Rusia në asnjë moment nuk ka qenë nën kërcënimin e NATO-s, nuk ka qenë Rusia nën kërcënim nga Ukraina”, tha ajo për ABC News, përcjell Klankosova.tv “E gjithë kjo është një model i presidentit Putin dhe ne do t’i rezistojmë. Ne kemi aftësinë të mbrohemi, por gjithashtu duhet të thërrasim atë që po shohim këtu nga presidenti Putin”, shtoi ajo. 15:58 – Shefi i NATO-s: Retorika bërthamore e Putinit është ‘e rrezikshme’ dhe e papërgjegjshme Jens Stoltenberg, Sekretari i Përgjithshëm i NATO-s, ka reaguar ndaj deklaratës së Putinit që forcat e parandalimit bërthamor të jenë në gjendje gatishmërie. Stoltenberg tha se “kjo është retorikë e rrezikshme dhe e papërgjegjshme”, përcjell Klankosova.tv Këto komente ai i bëri për CNN. 15:28 – SHBA e quan lëvizjen bërthamore të Putinit “krejtësisht të papranueshme” Shtetet e Bashkuara i janë përgjigjur urdhrit të Presidentit rus, Putin për vendosjen e forcave bërthamore të Rusisë në gjendje gatishmërie. Ambasadorja e SHBA-së në Kombet e Bashkuara, Linda Thomas-Greenfield, e quajti këtë lëvizje “të papranueshme” në një intervistë për CBS News. “Kjo do të thotë se presidenti Putin po vazhdon të përshkallëzojë këtë luftë në një mënyrë që është krejtësisht e papranueshme dhe ne duhet të vazhdojmë t’i frenojmë veprimet e tij në mënyrën më të fortë të mundshme,” tha ajo, raporton BBC, transmeton Klankosova.tv. 15:05 – Rrëfimi i gruas ukrainase, për lutjen e vajzës së vogël: Mami kam frikë, të lutem më shpëto Një grua 34-vjeçare tha se e kaloi natën e kaluar në bodrumin e bllokut banesor, bashkë me rreth 35 të tjerë. “Ne ishim me fat mbrëmë. Një shpërthim goditi rrugën pranë bllokut tonë, por nuk goditi bllokun tonë. Më vonë morëm vesh se dy këmbësorë ishin vrarë dhe një tjetër u plagos. Vala e shpërthimit ishte aq e fortë saqë më dolën veshët si kur ulet në aeroplan, edhe pse isha ulur në bodrum. Pak para shpërthimit fqinji ynë poshtë në bodrum po udhëzonte dy fëmijët e tyre të vegjël se çfarë të bënin nëse do të kishte një shpërthim”, u shpreh ajo. Ajo e përshkruajti këtë përjetim si të tmerrshëm, raporton BBC, transmeton Klankosova.tv. “Të dëgjoja këtë ishte e tmerrshme, flokët më ngriheshin nga mendja se fëmijëve trevjeçarë duhej të mësoheshin se çfarë të bënin gjatë granatimeve. Gjatë gjithë natës një vajzë e re zgjonte mamanë e saj. Ajo rrinte duke qarë duke bërtitur: “Mami, kam frikë, të lutem më shpëto, më shpëto tani. Ajo u qetësua vetëm në mëngjes pasi nëna e saj ishte ulur duke e mbajtur gjatë gjithë natës”, tha ajo. Ajo tha se, edhe pse forcat ukrainase tani kontrollojnë Kharkivin, ajo vazhdon të dëgjojë shpërthime dhe se ofensiva kundër qytetit duket se është në vazhdim. 14:42 – Zelensky pranon bisedimet me Rusinë, caktohet vendi Presidenti i Ukrainës, Volodymyr Zelensky ka bërë të ditur se ka pranuar që të bisedojë me zyrtarët rus rreth çështjes së luftimeve. Ai tha se në vendi se ku do të mbahet takimi është në kufirin Ukrainë – Bjellorusi, përkatësisht në zonën e lumit Pripay. “Rezultati i bisedës me Lukashenko: Kemi rënë dakord që delegacioni ukrainas të takohet me rusët pa kushte paraprake në kufirin Ukrainë – Bjellorusi, në zonën e lumit Pripyat”, ka shkruar Zelensky, transmeton Klankosova.tv. Tutje, ai tha se udhëheqësi bjellorus mori përgjegjësinë se në momentin e nisjes, negociatave dhe kthimit të delegacionit ukrainas, të gjithë avionët, helikopterët dhe raketat e vendosura në territorin e Bjellorusisë do të qëndrojnë në tokë. 14:40 – Ukrainasit bllokojnë rrugët me thasë zalli Ukrainasit kanë bllokuar rrugët, duke krijuar bllokada me thasë zalli. Kjo shihet në një video që po qarkullon në rrjetet sociale, shkruan BBC, transmeton Klankosova.tv. “Nuk kam parë kurrë më parë një unitet të tillë. Të gjithë po ngarkojnë, të gjithë po bëjnë më të mirën. Lavdi Ukrainës,” dëgjohet të thotë një burrë. Turma përgjigjet duke brohoritur: “Lavdi heronjve!” dhe “Lavdi kombit tonë!” 14:32 – Putini i urdhëron forcat e parandalimit bërthamor të Rusisë të jenë në gatishmëri të lartë Presidenti rus Vladimir Putin ka urdhëruar komandën ushtarake të vendosë forcat e parandalimit bërthamor në gatishmëri të lartë pas deklaratave agresive të vendeve të NATO-s, raporton Reuters, përcjell Klankosova.tv “Vendet perëndimore jo vetëm që po ndërmarrin veprime jomiqësore ekonomike kundër vendit tonë, por liderët e vendeve të mëdha të NATO-s po bëjnë deklarata agresive për vendin tonë. Kështu që unë urdhëroj që forcat parandaluese të Rusisë të zhvendosen në një regjim të veçantë detyre”, ka thënë Putini. 14:30 – Maqedonia e Veriut mbyll ‘qiellin’ për Rusinë Maqedonia e Veriut ka bërë mbylljen e linjave ajrore për Rusinë. Në mbledhjen e Qeverisë është vendosur që vendi t’i bashkëngjitet rekomandimeve të Bashkimit Evropian dhe vendeve anëtare, të cilat veçmë e kanë marrë vendimin për ndalimin e qarkullimit të kompanive ajrore ruse në hapësirën e tyre ajrore. Nga ky vendim përjashtohen fluturimet humanitare të cilat janë emergjente. Qeveria e obligoi navigacionin shtetëror M-NAV që të fillojë procedurën për zbatimin e vendimit dhe t’i njoftojë autoritetet ajrore evropiane për ndalesën për hyrje në hapësirën ajrore të Maqedonisë së Veriut për kompanitë ajrore të regjistruara në Federatën Ruse. Një vendim të tillë e kanë marrë edhe Finlanda e Irlanda. Më herët edhe Gjermania, Islanda, Suedia, Bullgaria, Republika Çeke, Estonia, Polonia dhe Britania e Madhe vendosën të mbyllin qiellin për Rusinë. Moska, nga ana e saj, ka ndaluar gjithashtu avionët nga disa vende të fluturojnë mbi territorin e saj./ 14:26 – Nuk ka trupa ruse në kryeqytetin ukrainas, thotë Vitali Klitschko Kryebashkiaku i kryeqytetit të Ukrainës , Vitali Klitschko, ka thënë se nuk ka trupa ruse në qytet, pasi ai vazhdon të mbrohet nga sulmet. Vitali Klitschko tha se zyrtarët “ushtarakë, të zbatimit të ligjit dhe të mbrojtjes territoriale” po vazhdonin të “zbulonin dhe neutralizonin sabotatorët”. Siç u raportua më herët, njerëzit që jetojnë në Kiev janë nën urdhër të qëndrojnë brenda deri të hënën, me paralajmërime nga autoritetet se kushdo që del jashtë “do të konsiderohet anëtar i grupeve të sabotimit të armikut”. Producentja e BBC-së, Kathy Long, tha se e diela nisi qetë në Kiev, me policinë, ushtrinë dhe vullnetarët e armatosur të vetmit njerëz të dukshëm në rrugë. Në mesazhin në kanalin e tij Telegram të dielën, Klitschko tha se që nga fillimi i pushtimit të Rusisë, nëntë civilë ishin vrarë në Kiev, duke përfshirë një fëmijë. Forcat ruse thuhet se kanë qenë në periferi të qytetit që nga e premtja, me bombardime dhe të shtëna me armë zjarri në të gjithë Kievin. 14:05 – Franca bëhet vendi i radhës që mbyll hapësirën e saj ajrore për fluturimet ruse Franca është bërë vendi i radhës që ka mbyllur hapësirën e saj ajrore për fluturimet ruse, tha të dielën ministri francez i Transportit, Jean-Baptiste Djebbari. “Franca do të mbyllë hapësirën e saj ajrore për të gjithë avionët dhe linjat ajrore ruse që nga mbrëmja e sotme. Pushtimit rus të Ukrainës, Evropa i përgjigjet me unitet total”, ka shkruar Jean-Baptiste Djebbari në Twitter, transmeton Klankosova.tv 12:50 – Mësuesi i Mbretërisë së Bashkuar strehohet në Kiev: Duhet të qëndrojmë të fortë Mësuesi britanik, Dan Baker që jeton në Kiev është strehuar me gruan e tij ukrainase dhe vajzën 12 vjeçare në bodrumin e shkollës ku ai punon. Familja e Dan Baker vendosi të linte banesën e tyre të katit të 26-të për të gjetur siguri më afër qendrës së Kievit. “Ne kemi dëgjuar disa shpërthime të mëdha. Kur po qëndronim në banesën tonë, dëgjuam disa shpërthime të mëdha,” tha ai për BBC. Ai tha se tashmë ata janë në qendër të qytetit, raporton BBC, transmeton Klankosova.tv. “Tani jemi në qendër të qytetit, gjë që mund të duket një veprim budalla, pasi ndërtesa e qeverisë është pak larg nesh. Por ne nuk kemi dëgjuar ndonjë përleshje këtu poshtë”, u shpreh ai. 12:39 – Gazetarja ukrainase bashkë me fëmijën e saj largohet nga Ukraina ” Faleminderit Putin për këtë ndryshim në jetën time, nga gazetare, në kërkim të një strehe” Një gazetare ukrainase, Sofia Koczmar është ndër personat e shumtë që po largohen nga Ukraina, për shkak të sulmeve nga Rusia. Ajo ka bërë një postim në Tëitter, duke “falenderuar” Presidentin rus, Vladimir Putin, që ia ndryshoi jetën, nga një gazetare, në kërkim të një strehe, përcjell Klankosova.tv. “Faleminderit z. Putin për një ndryshim të tillë në jetën time, nga profesioni i gazetares, në kërkim të një strehe”, ka shkruar ajo. 12:28 – Zyrtari turk përsërit thirrjen e Erdoganit për ndalim të menjëhershëm të sulmeve ruse në Ukrainë Zyrtari i qeverisë turke, Ibrahim Kalin, ka përsëritur thirrjen e presidentit Erdogan, për ndalim të menjëhershëm të sulmeve dhe fillim të negociatave për armëpushim. Ai shtoi se Turqia do të vazhdojë t’i ndihmojë ukrainasit, transmeton Klankosova.tv “Në ditën e katërt të luftës në Ukrainë, ne përsërisim thirrjen e Presidentit Erdogan për ndalimin e menjëhershëm të sulmeve ruse dhe fillimin e negociatave për armëpushim. Ne do të vazhdojmë përpjekjet tona për të ndihmuar popullin e Ukrainës dhe për t’i dhënë fund gjakderdhjes në këtë luftë të padrejtë dhe të paligjshme”, ka shkruar Kalin në Twitter. 12:14 – Zyrtarët ukrainas: Më shumë se 200 civilë të vrarë Ombudsperson i qeverisë ukrainase, Lyudmyla Denysova, thotë se më shumë se 210 civilë ukrainas janë vrarë dhe më shumë se 1 mijë e 100 janë plagosur gjatë pushtimin rus. “Me mizori të paparë, armiku po shkatërron ndërtesat e banimit, spitalet, kopshtet dhe shkollat, duke u hequr të drejtën për të jetuar djemve dhe vajzave të tokës ukrainase, përfshirë fëmijët”, tha ajo në një postim në rrjetet sociale. Denysova dha shembuj të disa prej vdekjeve civile, duke përfshirë një fëmijë të vrarë nga bombardimet e një spitali në Kiev dhe një grua të vrarë pasi një raketë goditi një ndërtesë banimi në Kharkiv, raporton BBC, transmeton Klankosova.tv. Ajo bëri thirrje që Rusia të dënohet ashpër për këto krime. “Ukraina po i shënon të gjitha këto fakte dhe do t’ia kalojë gjykatës në Hagë”, tha ajo. 12:07 – Ukraina e padit Rusinë për gjenocid Presidenti i Ukrainës, Volodymyr Zelensky ka bërë të ditur se shteti të cilin ai e udhëheq e ka paraqitur kërkesën e saj në GJND që ta padisin Rusinë për gjenocid. “Rusia duhet të mbahet përgjegjëse për manipulimin e nocionit të gjenocidit për të justifikuar agresionin”, ka shkruar Zelensky në llogarinë e tij në Twitter, transmeton Klankosova.tv. Më tej, Zelensky thotë se kërkojnë një vendim urgjent që urdhëron Rusinë ta ndërpresë aktivitetin ushtarak, teksa shtoi se presin që gjyqet të fillojnë javën e ardhshme. 11:45 – Ukrainasit kthehen në shtëpi për t’iu bashkuar luftimeve Ndërsa mijëra refugjatë po largohen nga Ukraina, derisa Rusia vazhdon pushtimin e saj. Mirëpo, disa gjatë ditës së sotme kërkuan të ktheheshin nga Polonia në atdheun e tyre për të luftuar dhe për t’u ribashkuar me familjet. Në një pikë kufitare në Medyka, një grup shoferësh kamionash ishin në mesin e atyre që po kalonin në Ukrainë. Ata i thanë Associated Press se donin të mbronin atdheun e tyre, i cili është goditur nga sulmet ditëve të fundit. Lesa, ishte njëra ndër gratë që donte të kthehej në Ukrainë, shkruan AP, transmeton Klankosova.tv. “Kam frikë, por jam nënë dhe dua të jem me fëmijët e mi”, shpjegoi Lesa. Ndryshe, sipas agjencisë së Kombeve të Bashkuara për refugjatët, rreth 150 mijë persona që janë larguar nga Ukraina për në Poloni. 10:43 – Putin falënderon Forcat Speciale të Rusisë: Po përmbushin heroikisht detyrën e tyre ushtarake Presidenti rus, Vladimir Putin ka falënderuar Forcat Speciale të vendit, duke thënë se “po përmbushin heroikisht detyrën e tyre ushtarake” në Ukrainë. Këtë ai e bëri në një fjalim televiziv që u publikua gjithashtu në faqen e internetit të Kremlinit, raporton BBC, transmeton Klankosova.tv. “Faleminderit për shërbimin e tyre pa të meta në emër të popullit të Rusisë”, është shprehur ai. 10:40 – Sekretarja e Jashtme e Mbretërisë së Bashkuar: Mos u besoni përpjekjeve ‘negociuese’ ruse Sekretarja e Jashtme e Mbretërisë së Bashkuar, Liz Truss, tha se ajo nuk u beson përpjekjeve “negociuese” ruse. “Tani nëse rusët janë seriozë për negociatat, ata duhet të largojnë trupat e tyre nga Ukraina. Ata nuk mund të negociojnë me një armë për kokën e ukrainasve… Pra, sinqerisht, nuk u besoj këtyre të ashtuquajturave përpjekje të negociatave”, tha ajo për Sky News, përcjell Klankosova.tv Truss tha se ky mund të jetë fillimi i fundit për presidentin rus Vladimir Putin. Ajo shtoi se do të ketë më shumë sanksione në ditët në vijim dhe ajo ka përpiluar një listë të oligarkëve. 10:11 – Zelenskiy: Rusia po bombardon zonat e banuara Presidenti ukrainas Volodymyr Zelenskiy, tha të dielën se Rusia po bombardon zonat e banuara në Ukrainë, raporton AFP, por paralajmëroi “ne do të luftojmë për aq kohë sa të duhet për të çliruar vendin”. “Nata e kaluar në Ukrainë ishte brutale, përsëri të shtëna, përsëri bombardime të zonave të banuara, infrastrukturës civile”, ka thënë Zelenskiy. “Sot nuk ka asnjë gjë në vend që pushtuesit të mos e konsiderojnë si objektiv të pranueshëm. Ata luftojnë kundër të gjithëve. Ata luftojnë kundër të gjitha gjallesave, kundër kopshteve, kundër ndërtesave të banimit dhe madje edhe kundër ambulancave”, përcjell Klankosova.tv Ai tha se forcat ruse “po gjuanin raketa në të gjitha rrethet e qytetit në të cilat nuk ka dhe nuk ka pasur kurrë asnjë infrastrukturë ushtarake”. “Vasylkiv, Kiev, Chernigiv, Sumy, Kharkiv dhe shumë qytete të tjera në Ukrainë po jetojnë në kushte që u përjetuan për herë të fundit në tokat tona gjatë Luftës së Dytë Botërore”. 10:00 – Mbretëria e Bashkuar: Luftimet në Kharkiv po përballen me rezistencë të ashpër në të gjithë vendin Ministria e Mbrojtjes e Mbretërisë së Bashkuar ka bërë të ditur se Luftimet në Kharkiv po përballen me rezistencë të ashpër në të gjithë vendin. Ata thanë gjithashtu se Rusia po përparon në Ukrainë “nga boshte të shumta”, raporton BBC, transmeton Klankosova.tv. Ndryshe, kjo ministri bën të ditur se rusët po përballen me “rezistencë të fortë” nga ushtria ukrainase. 09:36 – Më shumë se 43 mijë ukrainas hynë në Rumani që nga fillimi i luftës me Rusinë Më shumë se 43 mijë ukrainas kanë ikur në Rumani në tre ditët që kur Rusia filloi pushtimin e Ukrainës nga toka, deti dhe ajri, treguan të dielën të dhënat e policisë kufitare. Ata kanë hyrë në Rumani përmes katër pikave kufitare tokësore me Ukrainën, por edhe përmes pikave të kontrollit me Moldavinë, treguan të dhënat. Mijëra prej tyre tashmë kanë dalë nga vendi në rrugën e tyre për në Bullgari dhe Hungari, shkruan Reuters, përcjell Klankosova.tv 08:56 – Zelensky kundërshton pretendimin rus se është gati për bisedime në Bjellorusi Presidenti i Ukrainës, Volodymyr Zelenskiy, i është përgjigjur pretendimeve të bëra nga delegacioni rus se është “gati për bisedime” me Ukrainën. Zëdhënësi i Kremlinit, Dmitry Peskov, u tha më herët gazetarëve se delegacioni rus kishte mbërritur në Bjellorusi për bisedime dhe “tani janë duke pritur për ukrainasit”. Në një fjalim kombëtar të dielën në mëngjes, Zelenskiy tha se ai mbetet i hapur për bisedime në vende të tjera që nuk po tregojnë agresion ndaj Ukrainës. Presidenti ukrainas shtoi se bisedimet në Minsk mund të ishin të mundshme nëse Rusia nuk do të kishte sulmuar Ukrainën nga territori bjellorus, raporton The Guardian, transmeton Klankosova.tv. Më herët u raportua se ushtria ukrainase tha se rrëzoi një “raketë me krahë” të gjuajtur në Kiev nga një avion bjellorus Tu-22 këtë mëngjes. “Forcat Ajrore të Forcave të Armatosura të Ukrainës pak minuta më parë rrëzuan një raketë me krahë të lëshuar në kryeqytetin e Ukrainës nga territori i Republikës së Bjellorusisë nga një aeroplan TU-22”, tha Komandanti i Përgjithshëm i Forcave të Armatosura të Ukrainës”, Valerii Zaluzhnyi, tha në një deklaratë rreth orës 9 të mëngjesit me kohën lokale. “Ky është një tjetër krim lufte i Federatës Ruse dhe Rusisë”, shtoi ai. 08:44 – Delegacioni rus thotë se janë gati për bisedime me Ukrainën në Bjellorusi Delegacioni rus thuhet se ka mbërritur në Bjellorusi për bisedime me ukrainasit, u tha gazetarëve zëdhënësi presidencial Dmitry Peskov, sipas agjencisë ruse të lajmeve RIA Novosti. Sipas tij, delegacioni përfshinte përfaqësues të Ministrisë së Punëve të Jashtme, Ministrisë së Mbrojtjes dhe departamenteve të tjera, përfshirë administratën presidenciale. “Delegacioni rus është gati për bisedime dhe ne tani jemi duke pritur për ukrainasit”, tha Peskov. Ministria e Jashtme e Bjellorusisë tha se kishte përgatitur gjithçka të nevojshme për takimin dhe tani ishte e angazhuar në zgjidhjen e çështjeve të protokollit. 08:29 – Ministri i Mbrojtjes i Ukrainës: Bota nuk besonte se ne do të rezistonim kështu Ndërsa ukrainasit zgjohen në ditën e katërt të konfliktit, ministri i Mbrojtjes i vendit, Oleksii Reznikov, po i kërkon botës të forcojë mbështetjen e saj për Ukrainën. Oleksii Reznikov thotë se “72 orë rezistencë” e vendit i ka dëshmuar botës se është e mundur të zmbrapset agresioni rus. “72 orë rezistencë! Bota nuk besoi. Bota dyshoi. Por ne nuk qëndruam vetëm në këmbë, ne vazhdojmë me besim të luftojmë me pushtuesin rus!I treguam botës – mos kini frikë 🇷🇺, jini të fortë dhe zmbrapseni! Mbështetja e 🇺🇦 duhet të jetë më e fortë! Siguria juaj varet nga ne!”, ka shkruar Reznikov në Twitter. 08:20 – Ukraina u kërkon vullnetarëve të huaj të ndihmojnë Nga Kievi thuhet se po krijon një legjion “ndërkombëtar” për të huajt që dëshirojnë të dalin vullnetarë në mbështetje të Ukrainës. Presidenti ukrainas, Volodymyr Zelensky këtë e quajti si provë kryesore të mbështetjes për Ukrainën, shkruan BBC, transmeton Klankosova.tv. “Kjo do të jetë prova kryesore e mbështetjes suaj për vendin tonë”, u shpreh ai. 07:53 – Kievi zgjohet nën paralajmërimet për sulme ajrore Kryeqyteti i Ukrainës, Kievi, mëngjesin e së dielës është zgjuar nën sirenat e paralajmërimeve për sulme ajrore. The Kyiv Independent tha se qytetarëve u është sugjeruar që të shkojnë në strehën më të afërt, transmeton Klankosova.tv. Kujtojmë se Kievi vazhdon të jetë nën kontrollin e forcave ukrainase teksa nënkryetari i Kievit tha se gjatë natës pati përleshje. 07:29 – Trupat ruse hyjnë në qytetin e dytë më të madh të Ukrainës Trupat ruse kanë hyrë në qytetin e dytë më të madh të Ukrainës, Kharkiv. Kështu ka bërë të ditur një këshilltar i ministrit të brendshëm të Ukrainës, raporton The Guardian, transmeton Klankosova.tv. Në një deklaratë në llogarinë e tij zyrtare në Telegram, Anton Gerashchenko tha se ka pasur luftime në qendër të qytetit dhe në zonën e Hidroparkut. “Një grup i forcave speciale të Federatës Ruse sapo ka hyrë në qytet përmes Alekseevk”, tha Gerashchenko. 07:14 – Në ditën e katërt të luftimeve, raportohet për një gjashtë vjeçar të vrarë Këtë të diel janë bërë katër ditë prej se kur forcat ruse shkelen në tokën ukrainase. Ndërsa, siç raporton CNN, natën e së shtunës, rusët kanë vrarë një djalë gjashtë vjeçar dhe plagosën disa të tjerë. Referuar shërbimit shtetëror të emergjencave të Ukrainës, një ndërtesë nëntëkatëshe në qytetin e Kharkivit është goditur nga forcat ruse, ku një grua mbeti e vrarë. Gjithashtu, gjatë natës së mbrëmshme dy shpërthime të mëdha kanë ndriçuar qiellin. Njëri ka qenë në qytetin Vasylkiv, qytet ky i cili ka një aeroport të madh ushtarak dhe pompa të shumta derivatesh. Kujtojmë se gjatë ditës së djeshme bankat ruse janë përjashtuar nga SËIFT-i, ku kjo u mbështet nga ShBA-të, Komisioni Evropian, Franca, Gjermania, Italia, Mbretëria e Bashkuar dhe Kanadaja të cilat thanë se e mbështesin dëbimin e disa bankave ruse nga rrjeti i sigurisë së lartë që lidh mijëra institucione financiare rreth botës.
