Ballkani ‘e shkel’ kampionin e Bullgarisë, me një këmbë në fazën tjetër (VIDEO)

Ballkani ka shënuar fitore të madhe ndaj Ludogoretsit, me rezultat 2-0, në kuadër të rrethit të parë të kualifikimeve të Ligës së Kampionëve.

Golin e parë në ndeshje e shënoi Meriton Korenica, pak para se të përfundonte pjesa e parë.

Në pjesën e dytë, Ballkani e realizoi edhe një gol me anë të Qëndrim Zybës, pas një harkimi brilant të Lorenc Trashit.

Kampioni i Kosovës deri në fund e menaxhoi këtë rezultat, madje duke krijuar edhe disa raste të tjera, por në fund takimi u mbyll me këtë rezultat.

Skuadra suharekase ndeshjen kthyese do ta zhvillojë në Bullgari në javën e ardhshme, me epërsi prej dy golave. /Klankosova.tv.

FT: Ballkani – Ludogorets 2-0

90′ Ballkani ka shënuar fitore me rezultat 2-0. Golat i kanë realizuar Meriton Korenica dhe Qëndrim Zyba

55′ Ballkani e ka shënuar edhe golin e dytë ndaj Ludogoretsit. Golin e dytë e ka realizuar Qëndrim Zyba, pas një harkimi fantastik nga Lorenc Trashi.

46′ Ka filluar pjesa e dytë në mes Ballkanit dhe Ludogoretsit. Ekipi nga Suhareka është duke udhëhequr me një gol epërsi.

48′ Ballkani ka shkuar në pushimin në mes dy pjesëve në epërsi prej një goli ndaj Ludogoretsit, në kuadër të rrethit të parë të kualifikimeve të Ligës së Kampionëve. Golin e vetëm në pjesën e parë e realizoi Meriton Korenica, pak para se të përfundonte pjesa e parë. Skuadra suharekase e dominoi takimin nga fillimi i ndeshjes, duke e mbajtur posedimin e topit dhe krijimin e rasteve.

46′ Ballkani ka kaluar në epërsi ndaj Ludogoretsit. Golin e ka realizuar Meriton Korenica, me një goditje të bukur.

34′ Gripshi pati mundësinë më të mirë në ndeshje, pas me një gjuajtje të fortë, për pak sa nuk e befasoi portierin kundërshtar. Goditja e tij shkoi fare afër shtyllës së jashtme.

30′ Ka kaluar gjysmë orë lojë nga fillimi i takimit, me Ballkanin që e ka mbizotëruar këtë pjesë të lojës, duke e dominuar me posedim, me krijim të rasteve, i ka munguar vetëm goli.

22′ Edhe Nazmi Gripshi provoi me një goditje të fortë, por që e njëjta u bllokua.

20′ Skuadra e Ballkanit në këto momente ëshë duke fituar terren. Armend Thaqi tentoi me një goditje, e cila u devijua, mirëpo që u prit nga portieri kundërshtar.

17′ Ballkani bën goditjen e parë drejt portës së skuadrës bullgare. Ishte Edvin Kuc që tentoi me një goditje të fortë jashtë 16-metershit, por që shkoi jashtë.

15‘ Ka kaluar një çerek orë lojë nga fillimi i ndeshjes, ende pa gola, me dy skuadrat që luftën më të madhe po e zhvillojnë në mesin e fushës.

1’ Ka filluar ndeshja mes Ballkanit dhe Ludogoretsit në stadiumin “Fadil Vokrri”.

Formacionet zyrtare: