Ndërrohen shtretërit: “Hallakama” në Pediatri, QKUK-ja “çel sytë” (VIDEO)

Pas reagimit të një nëne, e cila ngriti shqetësime për kushtet në Klinikën e Pediatrisë, ku po trajtohej djali i saj, Qendra Klinike Universitare e Kosovës ka nisur ndërhyrjet në këtë klinikë.

Sot ka filluar zëvendësimi i disa shtretërve të dëmtuar, ndërsa nga QKUK-ja është bërë e ditur se ky proces është pjesë e projektit për modernizimin e infrastrukturës dhe furnizimin me inventar të ri medicinal, raporton Klankosova.tv.

Fisnik Dobra që është në krye të Drejtorisë për Shërbime të Përbashkëta Tekniko-Administrative tha se edhe klinikat tjera do të pajisen me inventar të ri sipas kërkesave.

Ndiqni kronikën për t’i kuptuar detajet: