Lirohet 5 vjeçi: Fëmija doli nga QKUK, por ku shkoi? (VIDEO)

Fëmija që e kishte pësuar nga prindërit, qëndroi për rreth një muaj në spital.

Pesëvjeçari nga Janjeva e Lipjanit u lirua sot, njofton Klan Kosova.

Autoritetet thanë se është dërguar në Gjakovë, derisa për rastin, ministri për Familje, Andin Hoti konfirmoi se e pranoi raportin me shkelje.

Ai bëri më dije se rasti po hetohet nga prokuroria.

Deri mesin e kësaj jave, 5-vjeçari ka marrë trajtim në Pediatrinë e QKUK-së, ku në gjendje stabile edhe është liruar. Sipas QKUK-së, është marrë në përkujdesje nga Qendra për Punë Sociale në Gjakovë.

Ndërkohë, drejtoresha e këtij institucioni, Jozefina Osmani, mohon se i vogli është aty. Ajo thotë se 5 vjeçi u vendos në strehimoren rezidenciale në Gjakovë.

Por, drejtuesit e kësaj strehimorjeje, nuk konfirmuan për Klanin nëse fëmijën e kanë nën kujdesje. Të njëjtit refuzuan të japin detaje.

Dy prindërve gjykata iu pati caktuar masën e paraburgimit prej 1 muaji, derisa 6 fëmijët e tjerë janë nën kujdesje të shtetit.