Tahiri: Kemi thënë shkurt e shqip – nuk dojmë zgjedhje e as nuk dojmë me qenë në Qeveri

Përfaqësuesi i Aleancës, Besnik Tahiri, ka folur pas takimit  të përbashkët të subjekteve politike me kryekuvendaren, Albulena Haxhiun.

Ai e ritheksoi se Aleanca është e vetmja parti me qëndrim të prerë: nuk do hise në Qeveri, dhe nuk do zgjedhje.

Është e vetmja Aleanca që ka një pozicion politik publik në raport me konstituimin e Kuvendit. Cili është ai? Ne nuk duam të jemi pjesë e Qeverisë, dhe rrjedhimisht të mos marrim asnjë hise, asnjë privilegj, asnjë pozitë në Qeverinë e Kosovës”, tha Tahiri, njofton Klankosova.tv.

Mirëpo, Tahiri tha se kjo parti do shmangien e një rreziku kombëtar të ciklit të pafund zgjedhor, të cilin e cilësoi si rrezik kombëtar dhe të shtetësisë së Kosovës.

“Ne e kemi thanë shkurt edhe shqip, nuk dojmë me shku në zgjedhje, nuk dojmë me qenë në Qeveri”.