Kosova e teta në Kampionatin Evropian

Kombëtarja e Kosovës në kategorinë U20 te meshkujt, është renditur përfundimisht e teta në FIBA U20 Kampionatin Evropian, Divizioni B.

Ky ishte suksesi më i madh te grupmoshat e reja, që nga pranimi në FIBA.

Në sfidën për vendin e shtatë, Dardanët e rinj pësuan nga Irlanda 74:47 (24:5, 25:14, 17:12, 8:16).

Përballja u vendos qysh në pjesën e parë, ku irlandezët ishin më të mirë dhe në pjesën e dytë ruajtën epërsinë e lartë të krijuar.

Te Dardanët e rinj, më i dalluari ishte Rron Dahsyla, i cili kishte 11 pikë te Kosova.

“Kujtojmë se, Dardanët kishin tri fitore radhazi në grup, duke mundur Suedinë, Shqipërinë dhe Hungarinë, derisa pësuan nga Turqia. Në çerekfinale pësuan nga Zvicra, e më pas për vendet 5-8 nga Britania e Madhe”, thuhet në njoftimin e Federatës së Basketbollit transmeton Klankosova.tv.