Kevin McCarthy shkarkohet nga pozita e liderit të Dhomës së Përfaqësuesve

Kevin McCarthy, nuk do të jetë më udhëheqës i Dhomës së Pëfaqësuesve në Shtetet e Bashkuara të Amerikës.

Ai u shkarkua pas një votë besimi.

Kjo është hera e parë në histori që një zyrtar shkarkohet nga kjo pozitë.

216 votuan pro dhe 210 kundër.

Deri tek shkarkimi i tij erdhi pasi ai arriti një marrëveshje me demokratët e Senatit për t’i financuar agjencitë qeveritare, raportojnë mediat amerikane përcjell Klankosova.tv

Ende nuk dihet se kush do ta pasojë 58 vjeçarin në këtë pozitë.

Kongresi i ka rreth 40 ditë për ta arritur një marrëveshje që shmang mbylljen e Qeverisë amerikane.

Procedura për shkarkimin e Kevin McCarthyt, u nis nga republikani Matt Gaetz, aleat i ish-presidentit amerikan Donald Trump.

Ai e ka akuzuar udhëheqësin e deritanishëm për arritjen e një marrëveshjeje sekrete me Shtëpinë e Bardhë për ta vazhduar financimin për Ukrainën, teksa është negociuar shmangia e mbylljes qeveritare në fundjavë.

Kjo u hodh poshtë nga McCarthy.