Jashari: Mbyllen edhe dy kafiteri, nuk e respektuan vendimin

Kryetari i Komunës së Skënderajt, Bekim Jashari, ka njoftuar se Inspektorati i Komunës dhe Policia sapo kanë mbyllur edhe dy kafiteri, pasi të njejtat nuk respektuan vendimin për mbyllje.

“Pas mbylljes së lokaleve ndaj pronarëve të bizneseve ka hapur rast Prokurori i Shtetit për procedura të metejme. Më qëllim të parandalimit të infeksionit COVID-19 bëjmë thirrje që të respektohen vendimet dhe masat e ndërmarra nga Komuna dhe Qeveria për parandalimin e infeksionit COVID-19”, ka njoftuar Jashari, transmeton Klan Kosova.