“Penalltia” e humbur i kushton shtrenjtë, lojtari i Kolumbisë kërcënohet për vdekje

Eliminimi i Kolumbisë nga Kupa e Botës ka sjellë pasoja të rënda për futbollistin Jaminton Campaz, i cili është përballur me reagime të ashpra pas humbjes së penalltisë që ndikoi në largimin e skuadrës nga turneu.

Sulmuesi anësor kolumbian ka marrë mesazhe kërcënuese për jetën, disa prej të cilave kanë qenë të drejtuara edhe ndaj familjes së tij.

Për këtë arsye, është marrë vendimi që Campaz të mos rikthehet për momentin në vendlindje, me qëllim mbrojtjen e familjarëve të tij që jetojnë në Kolumbi.

Sipas mediave kolumbiane, 25-vjeçari ishte një prej futbollistëve më të kritikuar pas ndeshjes ndaj Zvicrës, pasi humbi një mundësi të artë në minutat e fundit të takimit, transmeton Klankosova.tv.

Dy ditë pas eliminimit nga Botërori, Campaz reagoi përmes një postimi në rrjetet sociale, duke bërë thirrje për qetësi dhe respekt nga tifozët.

Rasti i Campazit ka rikthyer edhe një herë në vëmendje presionin e madh me të cilin përballen futbollistët pas momenteve vendimtare në turne të mëdha si Kampionati Botëror, sidomos kur gabimet ndikojnë drejtpërdrejt në eliminimin e një kombëtareje.