Gjendet i gjallë pas 13 vjetëve, e rrëmbeu babai

Një fëmijë që është raportuar i zhdukur që prej vitit 2002, është gjetur javën e kaluar shëndoshë e mirë në Clecland, Ohio.

Julian Hernandez jetonte në Alabama dhe ishte nën kujdestarinë ligjore të nënës së tij por në moshën pesë vjeçare ai u rrëmbye, transmeton Klan Kosova.

Sipas policisë, atë e rrëmbeu babai i tij Bobby Hernandez i cili ligjërisht nuk kishte leje.

Rasti i zbulua tash pas 13 viteve kur Julian ishte duke aplikuar për në kolegj.

Ai kishte probleme kur numri i tij social nuk korrespondonte me emrin e tij.

Shkolla ku ai aplikoi e kishte telefonuar për ta pyetur arsyen se pse po ndodhte kjo gjë.

Kështu ata e kuptuan që ai ishte i regjistruar në Qendrën Kombëtare të Fëmijëve të Zhdukur.

Tashmë babai i tij Bobbu Hernandez është arrestuar të hënën nën akuzën e rrëmbimit të djalit të tij.