Edhe një film dedikuar superheronjve

Michael B Jordan e ka konfirmuar se ai dhe aktorja fituese e çmimit Oscar, Lupita Nyond’o do të jenë në mesin e kastës së aktorëve që do të luajnë në filmin më të ri me superheronj “Black panther”.

Jordan ka thënë për revistën amerikane The Hollywood Reporter, se ishte super i entuziazmuar kur mori vesh se do të luajë në film.

Ai po ashtu ka shtuar se mezi pret që të punojë me aktoren Nyong’o, e cila në vitin 2014, e kishte fituar çmimin Oscar për rol dytësor, për interpretimin e saj në filmin “12 Years a Slave”.

Jordan po ashtu është një aktor që ka eksperiencë në filmat me superheronjtë. Ai kishte luajtur “Human Torch”, në filmin Fantastic Four.

Black Panther do të prezantohet para audiencës, për herë të parë në shkurt të vitit 2018, shkruan BBC, transmeton Klan Kosova.