Edhe Arbëria e Ulpiana nën Termokos (VIDEO)

Javën e ardhshme do të kyçen në rrjetin e koogjenerimit objektet banesore të cilat gjenden në fillim të rrugës “Muharrem Fejza” në lagjen “Mati 1” në kryeqytet.

Këtë e bëri të ditur, zëdhënësja e ngrohtores “Termokos”, Afërdita Uka, e cila tha se tashmë janë duke u bërë testimet e fundit në rrjet për të filluar me ngrohjen, njofton Klan Kosova.

Nga “Termokos” në këtë sezon do të ngrohen 24 banesa të lagjes “Qendër”, disa në Ulpianë e të tjera në “Arbëri”, të cilat gjithsej kapin shifrën e 86 objekteve në Prishtinë.