Dhjetëra të zhdukur pasi një anije me 200 emigrantë u fundos në Gambi

Të paktën shtatë persona kanë vdekur dhe shumë të tjerë rezultojnë të zhdukur pasi një anije që transportonte rreth 200 emigrantë që përpiqeshin të arrinin në Evropë u përmbys pranë brigjeve të Gambisë, thonë autoritetet.

Varka u përmbys të mërkurën në mesnatë pranë fshatit Jinack në Rajonin e Bregut të Veriut dhe më vonë u gjet “e bllokuar në një breg ranor”, tha ministria e mbrojtjes e vendit në një deklaratë, shkruan BBC, transmeton Klankosova.tv

Nëntëdhjetë e gjashtë persona janë shpëtuar deri më tani dhe kërkimet po vazhdojnë për pasagjerë të tjerë që ndodheshin në anijen e mbytur që po shkonte drejt Ishujve Kanarie të Spanjës.

Udhëtimi i rrezikshëm mbi Oqeanin Atlantik është bërë një rrugë gjithnjë e më e zakonshme për migrantët afrikanë që përpiqen të arrijnë në Evropë.