Defekt teknik, ndërprerje uji në tre lagje të Prishtinës

 Kompania e Ujësjellësit Rajonal ”Prishtina” ka njoftuar se lagjes “Velania”,”Dodona” dhe “Sofali” në Prishtinë, për shkak të një defekti teknik nga orët e vona  të ditës së djeshme i është ndërprerë  furnizimi me ujë të pijshëm.

“Kontraktoret tanë në bashkepunim e stafin e KRU-Prishtina po punojnë intenzivisht në zgjidhjen e problemit, ku presim që deri në oren 14:00 të vazhdojmë me furnizim të zakonshëm me ujë të pijshëm”, thonë në KR “Prishtina”.

Ujësjellësi i kryeqytetit njëherit kërkon mirëkuptim nga konsumatorët, transmeton Klan Kosova.