Barack Obama i bashkohet Facebook-ut

Presidenti i Shteteve të Bashkuara të Amerikës, Barack Obama, ka hapur sot llogarinë e tij personale në rrjetin më të madh social Facebook, transmeton Klan Kosova.

Postimi i parë i Obamës ka qenë një mesazh nga kopshti i pasmë i Shtëpisë së Bardhë për rëndësinë e problemit global të ndryshimeve klimaterike.

Ndërsa mirëseardhjen në Facebook, Barack Obamës ia kanë uruar persona të rëndësishëm publikë, si senatorë dhe kongresmenë, por edhe organizata si Kombet e Bashkuara, Rio 2016 si dhe Qeveria Gjermane.