Ballkani e nis mbarë, Munishi “skuqet” nga gjyqtari

Ballkani e ka nisur me fitore edicionin e ri të Albi Mall Superligës së Kosovës në futboll.

Me dy gola nga Queven Inacio, kampionët aktual mposhtën 2-0 në Suharekë, Dukagjinin e Klinës, raporton Klankosova.tv.

Ishte braziliani Da Silva që në minutën e 43 i kaloi vendasit në avantazh, pas një pasimi që pranoi nga Almir Kryeziu.

I njejti futbollist u kujdes edhe për dyfishimin e epërsisë, duke realizuar në minutën e 63, një gol spektakolar nga distanca.

Pos humbjes, mysafirët pësuan edhe në bankinë, pasi në ndeshjen e radhës nuk do ta kenë trajnerin e tyre.

Ismet Munishi u ndëshkua me karton të kuq, pas dy të verdhëve, njofton Klankosova.tv

Pas kësaj fitore, kampionët aktual të Kosovës udhëtojnë në Irlandë të Veriut, për duelin evropian ndaj FC Larne.