Chelsea shpreh seriozisht interesim për Xabi Alonson

Chelsea është në “peshkim” për të gjetur trajnerin e ri dhe një nga emrat kryesorë në listë është Xabi Alonso.

Sipas gazetarit të njohur David Ornstein, klubi anglez po eksploron mundësinë për ta emëruar spanjollin si trajnerin e ardhshëm, ndërsa Alonso thuhet se është i hapur ndaj këtij opsioni, megjithatë ende nuk është marrë një vendim përfundimtar, transmeton Klankosova.tv.

🚨 Chelsea exploring deal to appoint Xabi Alonso as next head coach. 44yo former #RMFC boss understood to be open to possibility, although nothing decided yet as process continues. Andoni Iraola also strong contender ahead of departing #AFCB @TheAthleticFC https://t.co/39GzR6Z1Nc

— David Ornstein (@David_Ornstein) May 11, 2026

“Blutë” janë në kërkim të një zëvendësuesi të përhershëm për Liam Rosenior, i cili u shkarkua në prill pas më pak se katër muajsh në krye të ekipit.

Përveç Alonsos, në garë për stolin e Chelseat përmenden edhe Andoni Iraola, që pritet të largohet nga Bournemouth, si dhe trajneri i Fulhamit, Marco Silva.

Xabi Alonso ka mbetur pa ekip që nga largimi nga Real Madrid në fillim të këtij viti.

Më parë, ai drejtoi Bayer Leverkusen drejt një titulli historik në Bundesligë në sezonin 2023/24, duke përfunduar kampionatin pa humbje.

Skuadrën e Chelseat po e udhëheq përkohësisht Calum McFarlane, i cili do të mbetet në detyrë deri në fund të sezonit. /Klankosova.tv