Vitinha: Iniesta dhe Modric janë idhujt e mi

Vitinha është një lojtar kyç për PSG-në dhe ekipin kombëtar portugez. Ai fitoi kampionatin dhe kupën franceze me klubin këtë vit, si dhe Ligën e Kampionëve.

Mesfushori brilant kontribuoi aq shumë në këto suksese saqë u rendit i treti në votimin për Topin e Artë dhe konsiderohet mesfushori më i mirë në botë. Vitinha e zgjati kontratën e tij me PSG-në në fillim të vitit, por dihet që dëshira më e madhe e Real Madridit është sepse Vitinha konsiderohet pasardhësi i Luka Modric.

Në një intervistë me “Marca”-n, ai lartësoi legjendën kroate.

“Jam më i frymëzuar nga Andres Iniesta. Sigurisht, së bashku me të është Luka Modric. Të dy kanë qenë gjithmonë modelet e mia më të mëdha”, u përgjigj Vitinha kur u pyet se cilët mesfushorë i studioi për të përmirësuar lojën e tij.

Ndjenjat janë të ndërsjella në lidhje me Modric-in, sepse Vitinha është i preferuari i tij.

PSG bleu Vitinhan nga Porto tre vjet më parë për një shumë prej 41.5 milionë eurosh. Pasi luajti 176 ndeshje për PSG-në, shënoi 24 gola dhe dha 22 asiste, “Transfermarkt” e vlerëson atë me 110 milionë euro.

Mediat spanjolle kanë raportuar prej kohësh se Vitinha është një objektiv për Real Madridin dhe se Modric e rekomandoi atë si pasardhësin e tij kur u largua nga klubi. /Klankosova.tv