Bajrami porosi Vetëvendosjes: Kush përçan mërgatën është kundër Kosovës NULL NULL 20.11.2025 22:05 20.11.2025 22:05 Nënkryetarja e Lidhjes Demokratike të Kosovës Hykmete Bajrami, ka deklaruar se mërgata është vetë Kosova. Ajo theksoi se kush e përçan mërgatën, është kundër Kosovës. “Mërgata nuk i takon asnjë partie politike. Mërgata i takon vetëm Kosovës”, tha ajo transmeton Klankosova.tv Bajrami tha se partia që ka dështuar në ekonomi, diplomaci, arsim e shëndetësi ka përdorur çdo mjet për të përçarë shqiptarët, për të ndarë mërgatën dhe për të rritur polarizimin. E dyta e LDK-së shtoi se Lëvizja Vetëvendosje e ka keqpërdorur mërgatën. “Mërgata është aset i Republikës së Kosovës dhe mbi të askush s’mund të pretendojë pronësi. Kontributi i tyre para luftës, gjatë luftës dhe pasluftës është i jashtëzakonshëm. Ju kujtohen dy ministrat e ardhur nga diaspora për t’i dhënë kontribut Republikës, të cilët u detyruan të largohen nga Kosova për shkak se nuk zbatonin urdhrat e nëntokës së Vetëvendosjes!”, shtoi nënkryetarja e LDK-së, transmeton Klankosova.tv. Më poshtë postimi i plotë:
