Atletico-Real, derbi i parë për Baenan kundër Valverdes

Dy vjet më parë përfunduan në një përleshje me grushte. Uruguaiani e goditi me grusht lojtarin e atëhershëm të Villarrealit në garazhin e Bernabeut, por u lirua nga akuzat për mungesë provash.

Derbi i sotëm do të jetë derbi i parë i Madridit për Alex Baena, i cili do të përballet me Federico Valverden. Të dy u përfshinë në një incident të pakëndshëm dy vjet më parë që u përshkallëzua në një përleshje pas ndeshjes.

Në prill 2023, në fund të një ndeshjeje Real Madrid-Villarreal, mesfushori uruguaian priti kundërshtarin e tij në parkingun e Bernabeut dhe e goditi me grusht në fytyrë. Sipas raportimeve, zemërimi i Valverdes shpërtheu pas disa vërejtjeve të bëra nga Baena gjatë ndeshjes.

“Më trego tani çfarë the për djalin tim”, thuhet se bërtiti mesfushori i Real Madridit para se të godiste lojtarin aktual të Atlético Madridit, i cili pësoi një ënjtje të lehtë të mollëzës. Grindja midis të dyve lindi gjatë ndeshjes së Kupës së Mbretit po atë vit midis Los Blancos dhe Villarrealit, kur Baena thuhet se i tha Valverdes: “Po qan tani që djali yt nuk ka lindur”, duke iu referuar vështirësive të shtatzënisë së gruas së tij, transmeton Klankosova.tv.

Këto vërejtje u mohuan gjithmonë nga mesfushori sulmues spanjoll. Valverde u lirua nga akuzat tre muaj pas incidentit nga Komiteti Disiplinor, pasi nuk kishte prova që ta vërtetonin fajësinë e tij. Nëse do të ishte shpallur fajtor, lojtari i Real Madridit do të përballej me një pezullim prej pesë ndeshjesh.