Izraeli godet një spital në Gaza, vret 15 persona

Sulmet izraelite në Spitalin Nasser në Gaza të hënën vranë të paktën 15 persona, përfshirë tre gazetarë, njëri prej të cilëve punonte për “Reuters”, thanë zyrtarët palestinezë të shëndetësisë.

Kamerani Hussam al-Masri, një nga gazetarët e vrarë në sulme sipas zyrtarëve, ishte kontraktor për “Reuters”. Fotografi Hatem Khaled, i cili ishte gjithashtu kontraktor i “Reuters”, u plagos, thanë zyrtarët, transmeton Klankosova.tv.

Ushtria izraelite dhe Zyra e Kryeministrit nuk dhanë asnjë koment të menjëhershëm në lidhje me sulmet.