Netanyahu: Izraeli është ‘në rrugën drejt fitores’

Kryeministri i Izraelit, Benjamin Netanyahu, ka deklaruar se forcat ajrore të vendit të tij janë “në kontroll të qiellit mbi Teheran”.

Këto komente ai i bëri gjatë një vizite në bazën ajrore Tel Nof, në qendër të Izraelit, së bashku me ministrin e Mbrojtjes, Israel Katz, dhe shefin e Shtabit të Përgjithshëm, gjeneral-lejtnant Eyal Zamir, sipas mediave izraelite, transmeton klankosova.tv.

”Jemi në rrugë për të arritur dy objektivat tona: eliminimin e kërcënimit bërthamor dhe eliminimin e kërcënimit me raketa”, u shpreh ai.

Tutje gjithashtu lëshoi një paralajmërim të drejtpërdrejtë për qytetarët e Teheranit, duke i këshilluar të largohen nga kryeqyteti iranian.

”Ne kemi filluar veprimet”, tha ai.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.