Banorët e Gllogovicës në Prishtinë kërkojnë riparimin e rrugës së shkatërruar (VIDEO)

Rruga e fshatit Gllogovicë në Prishtinë, e ndërtuar në vitin 2016, është në gjendje të rënduar.

Sipas banorit Remzi Demolli, materiali i përdorur për ndërtimin e saj ka qenë i dobët, duke çuar në degradim të shpejtë të rrugës, njofton Klankosova.tv.

“Jemi të mbyllur nga kjo rrugë që është shkatërruar kaq shumë. Jemi duke kërkuar nga autoritetet që të marrin masa dhe të bëjnë diçka”, u shpreh Demolli, në emisionin “Fol me Arin” në Klan Kosova FM.

Emisioni “Fol me Arin” fton të gjithë qytetarët që të mos ngurojnë për të shfaqur telashet me të cilat përballen, duke kontaktuar në numrin +383 48 400 004.