Policia e Guatemalës përleshet me sektin hebre, shkak abuzimi me mbi 160 fëmijë

Autoritetet në Guatemalë i kanë rezistuar përpjekjeve të anëtarëve të një sekti hebre për të rikapur 160 fëmijë të shpëtuar nga ambientet e tij.

Fëmijët u morën nën kujdes të premten kur policia bastisi një fermë të përdorur nga lëvizja Lev Tahor, e cila është nën hetim në disa vende për vepra të rënda seksuale, shkruan BBC, transmeton Klankosova.tv.

Ministri i Brendshëm, Francisco Jimenez tha se ata dyshohet se po abuzoheshin nga një anëtar i sektit.

Por të dielën, anëtarët e sektit hynë në një qendër kujdesi ku po mbaheshin në një përpjekje për t’i rikthyer fëmijët, duke çuar në përleshje me policinë.