Izraeli: 137 pengje besohet se mbahen në Gaza

Numri i pengjeve që besohet se mbahen në Gaza tani është 137, tha të premten zyra e kryeministrit izraelit.

Një burrë izraelit që supozohet të jetë në mesin e tyre u konfirmua se ishte vrarë gjatë sulmit të Hamasit të 7 tetorit.

Eshtrat e tij u identifikuan nga Forcat Mbrojtëse të Izraelit me ndihmën e Autoritetit të Antikiteteve të Izraelit, i cili zakonisht merret me arkeologji, raporton CNN, transmeton Klankosova.tv.

Njoftimi vjen nëntë javë pas sulmit të 7 tetorit, ndërsa autoritetet izraelite vazhdojnë përpjekjet e tyre hetimore.