Trump e quan lëvizjen e Putinit ‘gjeniale’

Ish-presidenti i SHBA-së, Donald Trump, i ka quajtur “gjeniale” urdhrat e Vladimir Putinit për dërgimin e trupave në Ukrainë.

Duke u paraqitur në një emision radiofonik të krahut të djathtë, Trump u pyet për përgjigjen e presidentit Biden ndaj dërgimit të forcave ushtarake të Putinit në Ukrainë, shkruan BBC, transmeton Klankosova.tv.

“Unë hyra dje dhe aty ishte një ekran televiziv dhe thashë: ‘Ky është gjenialitet'”, tha Trump.

“Putini deklaron një pjesë të madhe të Ukrainës – të Ukrainës. Putin e deklaron atë si të pavarur. Oh, kjo është e mrekullueshme. Pra, Putini tani po thotë: ‘Është e pavarur’, një pjesë e madhe e Ukrainës”.

“Unë thashë, ‘Sa i zgjuar është?’ Dhe ai do të hyjë dhe do të jetë një paqeruajtës. Kjo është forca më e fortë e paqes… Ne mund ta përdorim atë në kufirin tonë jugor”.

Ish-presidenti republikan vazhdoi të lavdërojë Putinin më vonë, duke përçmuar pasardhësin e tij.

“Duhet të thuash se është shumë e zgjuar. Dhe e dini cila ishte përgjigja nga Biden? Nuk pati asnjë përgjigje”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.