Policia konfirmon, një person i plagosur në lagjen “Bregu i Diellit”

(E plotësuar)

Zëdhënësi i Policisë së Kosovës për rajonin e Prishtinës, Agron Borovci  duke folur për Klan Kosovën ka konfirmuar për plagosjen me armë zjarri në lagjen “Bregu i Diellit” në Prishtinë.

“Ka ndodhur një plagosje me armë zjarri në lagjen “Bregu i Diellit”, afër banesave të bardha. Policia ka marrë informatën rreth orës 20:40”.

Borovci ka thënë se personi i plagosur është dërguar për trajtim mjekësor në QKUK ndërsa Policia është në vendin e ngjarjes dhe sipas tij po ndërmerr të gjtiha veprimet e nevojshme lidhur me rastin.

(Lajmi i mëhershëm)

Në lagjen “Bregu i Diellit”, konkretisht, afër  Banesave të bardha dyshohet për një incident të rëndë.

Në fotografitë që ka siguruar Klan Kosova shihen njësitet policore dhe ndihma e shpejtë ndërsa sipas burimeve të  Klan Kosovës dyshohet edhe për një të plagosur.

Klan Kosova është duke provuar ta konfirmojë këtë informatë dhe detaje se çfarë ka ndodhur nga Policia por kjo nuk ka qenë e mundur akoma.