Të shtëna në aheng familjar, policia konfiskon armën

Në fshatin Gracë të Vushtrisë, Policia e Kosovës e ka konfiskuar një armë me të cilën është shtënë gjatë një ahengu familjar.

Pronari i armës, R.P 52 vjeçar i përkatësisë serbe, është identifikuar si i dyshuari për të shtënat me një armë automatike AK 47.

Pas procedurave intervistuese, prokurori ka urdhëruar që rasti të iniciohet si ‘përdorim i armës apo mjetit të rrezikshëm’, si dhe si ‘mbajtje në pronësi, posedim, shfrytëzim i paautorizuar i armës’.