Zeqiri: Rusia po fiton terren, doktrina e luftës së shterimit po e rraskapit ushtrinë ukrainase (VIDEO)  

Analisti Adrian Zeqiri, në emisionin “Kosova Today” në Klan Kosova, deklaroi se Rusia që në fillim të luftës kishte llogaritur një fitore të shpejtë, por pasi kjo nuk ndodhi, e adoptoi doktrinën e ashtuquajtur “luftë e shterimit të resurseve”.

Ai theksoi se kjo strategji i ka shërbyer Rusisë edhe në të kaluarën, kundër Napoleonit dhe Hitlerit, pasi vendi ka resurse të pashtershme natyrore, industriale dhe një popullatë katërfish më të madhe sesa Ukraina, transmeton Klankosova.tv.

“Nëse e shohim situatën në terren, ky vit e favorizon Rusinë. Ukraina po hyn në një fazë ku nuk është më çështje armatimi, por mungesë e njerëzve. Rreziku është që Ushtria Ukrainase të shterohet dhe të mos mund ta përballojë më luftën”, tha Zeqiri.