Zelensky dhe udhëheqësit perëndimorë vendosin lule në Kiev në shenjë solidariteti

Presidenti ukrainas, Volodymyr Zelensky, presidentja e Komisionit Evropian Ursula von der Leyen, kryeministrja italiane, Giorgia Meloni, kryeministri belg Alexander De Croo dhe kryeministri kanadez Justin Trudeau kanë vendosur lule në Murin e Kujtesës në Sheshin Michael në Kiev, për të shënuar përvjetorin e dytë të pushtimit të plotë rus të Ukrainës.

“Së bashku me partnerët tanë, ne nderuam njerëzit tanë më të guximshëm që luftuan për Ukrainën dhe lirinë dhe dhanë jetën e tyre në mënyrë që Ukraina të mund të jetonte”, thuhej në një deklaratë. “Lavdi dhe mirënjohje e përjetshme për heronjtë tanë!”, shkruan CNN, transmeton Klankosova.tv.

Udhëheqësit perëndimorë u takuan gjithashtu me Zelenskyn në aeroportin Hostomel.

Shfaqja e solidaritetit vjen mes shqetësimeve për zvogëlimin e mbështetjes për Ukrainën dhe ngecjes në Kongresin amerikan të një pakete ndihme për Ukrainën.

“E vetmja mënyrë për të fituar është të rrisim mbështetjen tonë ushtarake,” tha De Croo në një deklaratë për X. “Siç thotë Presidenti Zelensky: ‘Ne do ta fitojmë këtë luftë së bashku’”.