Ylli mposht Vëllaznimin dhe kalon në gjysmëfinale

Golden Eagle Ylli pa shumë vështirësi ka depërtuar në gjysmëfinale të “Play-off”-it.

Kampionët edhe në sfidën e dytë kanë mundur Vëllaznimin, kësaj radhe me shifrat 80:126 (22:28, 27:30, 20:37, 11:31). Kampionët në gjysmëfinale do të përballen me Pejën.

Ndeshja në Gjakovë u kontrollua nga therandasit, që e fituan çerekun e parë 22:28, ndërsa në atë të dytë ngritën më shumë epërsinë, për të shkuar në pushim me shifrat 49:58.

Mysafirët thelluan më shumë epërsinë në pjesën e dytë, ku dominuan totalisht dhe triumfuan në fund 80:126.

Më i miri te vendasit ishte Devi Johnson me 25 pikë e nëntë kërcime, kurse më i miri te mysafirët ishte Bashir Ahmed me 37 pikë e tetë kërcime.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.