Vritet me thikë 47-vjeçari në Kavajë, pas një konflikti për vendin e parkimit NULL NULL 21.02.2026 17:56 21.02.2026 17:56 Një ngjarje e rëndë është regjistruar pasditen e sotme në Kavajë të Shqipërisë, ku një 47-vjeçar ka humbur jetën si pasojë e plagëve të marra me mjet prerës. Sipas informacioneve paraprake, viktima kishte shkuar te xhaxhai dhe kishte parkuar automjetin para banesës së 47-vjeçarit Landi Puja, i cili ka dalë nga banesa dhe i ka kërkuar viktimës të largojë makinën. Debati për parkimin ka sjellë nisjen e një konflikti verbal mes tyre. Gjatë debatit, viktima, Skender Vrapi dyshohet se i është përgjigjur në mënyrë të ashpër autorit, raporton TCh, transmeton Klankosova.tv. Në atë moment, Roland Puja ka nxjerrë një thikë, e ka ndjekur, dhe e ka goditur viktimën dy herë në pjesën e zemrës. Menjëherë pas ngjarjes, shërbimet e Policisë janë vënë në ndjekje të autorit të dyshuar dhe po punojnë për kapjen e tij. Ai rezulton person me precedent të mëparshëm kriminal.
