Vrasjet që tronditën Kosovën, Maliqi: Kam frikën se këtë vit do kemi numër më të lartë se viteve të tjera (VIDEO)

Vrasjet e fundit në Kosovë kanë shqetësuar opinionin publik vend.

Ish-drejtori i Policisë së Kosovës, Reshat Maliqi i ftuar në emisionin “Ora 7” tha se ky vit mund të shënojë numër më të lartë të vrasjeve në Kosovë.

“Shikuar statistikat vjetore numri i vrasjeve dallon prej 2-3 vrasjeve është një dallim jo aq i shprehur, mirëpo këtë vit po i përcjelli të gjitha këto raste me një shqetësim edhe më të thellë dhe kam frikën se këtë vit do kemi numër edhe më të lartë se viteve të tjera të vrasjeve që po ndodhin. Kur i shikon motivet janë aq banale dhe aq të thjeshta që nuk do duhej të ndodhin fare dhe ka mundësi që këto probleme zgjidhen përmes komunikimit, tolerancës”, tha Maliqi.