Vrasja në Skenderaj, viktima po priste të bëhej baba për herë të gjashtë (VIDEO)

Një burrë i moshës 42 vjeçare ka mbetur i vrarë sot në Skenderaj.

Bëhet e ditur se ngjarja kishte ndodhur në një nga lokalet e këtij qyteti, derisa motivet rreth rastit nuk dihen ende.

Ajo se çka dihet deri më tani është se lidhur me rastin janë dy persona të dyshuar, të cilët janë në arrati.

Ngjarja nga prokuroria është cilësuar si “Vrasje e rëndë”, njofton Klankosova.tv.

Klan Kosova mëson se i ndjeri la pas vetes pesë fëmijë, derisa po priste të bëhej baba për herën e gjashtë.

Aktualisht trupi i pajetë i viktimës gjendet në lokalin ku dyshohet se ka ndodhur ngjarja.

Klankosova.tv do t’ju mbajë të informuar lidhur me rastin. /Klankosova.tv