Vetaksidentohet vetura e FSK-së, ka të lënduar

Një automjet i Forcës së Sigurisë së Kosovës është vetaksidentuar në autostradën “Arbën Xhaferi”.

Lajmin për Klankosova.tv e ka konfirmuar zëdhënësi i policisë, Daut Hoxha, i cili tha se nga aksidenti ka të lënduar.

“Rreth orës 16:45 në Autostradën ‘A.Xhaferi’ Prishtinë-Ferizaj, në kilometrin e 9-të është raportuar se është shkaktuar një aksident trafiku me lëndime, ku i përfshirë është një automjet (vetaksident)”, tha Hoxha për Klankosova.tv.

Ai më tej tha se pas informacioneve shtesë që do t’i pranojnë, policia do të njoftojë me kohë për detajet.