Vëlla e motër 9 dhe 12 vjeç humbën jetën nga zjarri në Malishevë, babai rreth 35

Vëlla e motër të moshave 9 dhe 12 vjeç kanë humbur jetën si pasojë e zjarrit në një banesë në Malishevë, ndërsa babai rreth 35, raporton Klankosova.tv.

Zjarri ka shpërthyer rreth orës 12:55 në lagjen “Mirdita” të këtij qyteti.

Policia bëri të ditur për Klankosova.tv se në këtë banesë janë gjetur tre persona (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete.

“Menjëherë pas pranimit të informacionit, në vendin e ngjarjes kanë dalë njësitë kompetente policore, zjarrfikësit dhe ekipet emergjente. Në këtë banesë janë gjetur tre persona (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete”.

“Zjarri është lokalizuar dhe nuk është raportuar për pasoja të tjera. Lidhur me rastin është njoftuar edhe prokurori i shtetit dhe aktualisht janë duke u ndërmarrë të gjitha veprimet e nevojshme hetimore për të sqaruar rrethanat dhe shkaqet e kësaj ngjarjeje”, deklaroi Elezaj për Klankosova.tv.