Vdiq pasi tentoi ta hante hamburgerin me një kafshatë

Një baba i tre fëmijëve ka vdekur pasi që tentoi ta hante hamburgerin me një kafshatë.

Darren Bray, ishte në McDonald bashkë me disa miq të tij dhe u kishte thënë atyre që ta shikonin se si mund ta hante tërë hamburgerin me një kafshatë, transmeton Klan Kosova.

Menjëherë pasi që e futi hamburgerin në gojën, atij i’u zu fryma.

“E shihja se si tentonte ta nxirrte nga goja dhe po bënte shumë zhurmë. Unë u mundova që ta godisja në shpinë për ta ndihmuar, mirëpo ishte e pamundur”, u shpreh miku i tij, Sam Bisgrove.

Mjekët kishin arritur në vendin e ngjarjes, mirëpo ishte e pamundur që ta shpëtonin.