Vdes një grua në Greqi, i shpërtheu bomba në duar

Një grua ka vdekur në Greqi pasi një bombë që mbante në duar i shpërtheu, tha policia.

38-vjeçarja barti bombën për ta vendosur jashtë një banke pranë qytetit verior të Selanikut rreth orës 5 të mëngjesit, tha policia.

Nga shpërthimi u dëmtuan disa vitrina dhe automjete, shkruan The Independent, transmeton Klankosova.tv.

Gruaja ishte e njohur për autoritetet pasi kishte marrë pjesë në disa grabitje të kaluara, sipas policisë, e cila tha se po hetonte lidhjet e saj të mundshme me grupet ekstreme të majta.