Dardanet vazhdojnë me humbje

Kombëtarja e Kosovës në konkurrencën e femrave ka pësuar humbje të thellë në përballje me favoritin e Grupit B4, Uellsin, me rezultat 6:0.

Golin e parë në ndeshje e shënoi Rowe, në minutën e 30’, teksa për golin e dytë u përkujdes Green, në minutën e 44’.

Në pjesën e dytë, Rowe realizoi edhe njëherë në minutën e 60’. Ndërsa dy minuta më vonë, Morgan e katërfishoi epërsinë e Uellsit.

Dy golat e fundit i shënoi Hughes. Fillimisht në minutën e 85 dhe më pas në minutën e 93’.

Kosova pas dy xhirove renditet në vendin e fundit me zero pikë.

Dy ndeshjet e radhës Kosova i zhvillon kundër Kroacisë, fillimisht në shtëpi më 31 maj dhe më pas në udhëtim më 4 qershor.