Urrejtja ndaj një lloji të muzikës e çon në fitimin e lotarisë

Një burrë nga Maryland i ShBA-së tha se mospëlqimi i tij për muzikën go-go e çoi në fitimin e 100 mijë dollarëve nga një biletë lotarie me gërvishtje.

Kenneth Matthew nga Laurel u tha zyrtarëve të lotarisë se ai frekuenton dyqanin Central Exxon dhe shpesh hyn në debate me një nëpunës që luan gjithmonë muzikë go-go.

Ai shtoi se ishte duke diskutuar meritën e blerjes së një bilete lotarie gërvishtëse me nëpunësin, kur burri tjetër i bëri një ofertë që nuk mundi ta refuzonte.

“Kur të hysh dhe të blesh atë biletë, unë do ta fik muzikën “go-go”, kujton Matthew që ka thënë nëpunësi.

Matthew e pranoi sfidën e nëpunësit dhe gërvishti atë që fillimisht mendoi se ishte një çmim prej 1000 dollarësh. Ai ia tregoi biletën një shoku, i cili korrigjoi gabimin e tij.

“Ai tha: “Ti e di që fitove më shumë se kaq”, kujton fituesi.

Bileta doli fituese 100 mijë dollarë.

Matthew tha se planifikon t’i përdorë këto para për të paguar arsimin në kolegj të vajzës së tij.