U raportua si vdekje në punë, nga hetimet rezulton se shqiptari është vrarë në Itali

Artan Kaja, 52-vjeçari shqiptar i gjetur i vdekur në një magazinë të fabrikës së letrës në Lucca, nuk ka qenë viktimë e një aksidenti në punë, por është gjuajtur me armë zjarri.

A2CNN shkruan se lajmin e ka bërë të ditur policia italiane, e cila shtoi se ka ndaluar një person të dyshuar për këtë ngjarje.

Kaja ishte kreu i një kompanie dhe u gjet i vdekur në fabrikën e letrës Smurfit Kappa në Lunata të martën në mbrëmje. Fillimisht autoritetet supozuan për një incident apo sëmundje në punë.

Viktima u konstatua me lëndime në kokë dhe mjekët dyshuan se ai kishte rënë nga lartësia. Por tani del hipoteza se ai mund të jetë goditur me armë zjarri, e cila ende nuk është gjetur.

Autori i dyshuar i ngjarjes është një tjetër shqiptar, i cili është marrë në pyetje nga autoritetet, në prani të avokatit, por dëshmia e tij është kontradiktore.