Trump mbështet sanksione ndaj Kinës dhe Indisë për blerjen e naftës ruse

Presidenti amerikan Donald Trump ka mbështetur një projektligj për vendosjen e sanksioneve ndaj vendeve që blejnë naftë ruse, përfshirë Kinën dhe Indinë, ka deklaruar senatori republikan Lindsey Graham.

Projektligji dypartiak do t’i japë presidentit të SHBA-së kompetenca për të vendosur tarifa deri në 500 për qind ndaj importeve nga shtetet që bashkëpunojnë me sektorin energjetik rus. Sipas Graham, nisma synon të rrisë presionin ndaj Rusisë për luftën në Ukrainë.

Kina dhe India mbeten ndër blerësit kryesorë të naftës ruse, pavarësisht sanksioneve perëndimore, ndërsa nisma vjen në kohën e negociatave të ndërmjetësuara nga SHBA për përfundimin e konfliktit në Ukrainë.