Trepça synon mbrojtjen e titullit, Ylli kërkon revanshin

Në katër vitet e fundit, janë përballur në tri finale. Trepça i ka fituar dy, kurse njëra i ka takuar Golden Eagle Yllit.

Këta dy rivalë të basketbollit kosovar, ballafaqohen mes vete edhe sonte, në ndeshjen që siguron biletën për finalen e Superkupës së Kosovës në basketboll, njofton Klankosova.tv.

Mitrovicasit që janë edhe fitues aktual të këtij trofeu, synojnë ta mbrojnë atë, kurse skuadra nga Suhareka do ta kërkojë me çdo kusht “hakmarrjen” për dy finalet e humbura vitin e kaluar nga Trepça, në Prince Caffe Superligë dhe Ligën Unike.

Kjo super ndeshje fillon në orën 20:00 në palestren e sporteve “Sezair Surroi” në Prizren, kurse transmetohet direkt në Sport 5 të platformës gjigante Art Motion, në komentin të Arbon Flugaj.