Tragjedi në det: Një adoleshente dhe një 40-vjeçare humbin jetën në ujë

Një vajzë adoleshente dhe një grua rreth të 40-ave kanë humbur jetën pasi u përballën me vështirësi në ujë në një plazh në Essex të Britanisë së Madhe.

Policia, zjarrfikësit, ekipet mjekësore të urgjencës dhe shërbimet e Rojës Bregdetare u thirrën mbrëmjen e djeshme në zonën e Seaview Avenue dhe plazhit në West Mersea, pas raportimeve për incidentin.

Sipas Policisë së Essex-it, një person i tretë ndodhet në spital në gjendje të rëndë, ndërsa dy persona të tjerë po marrin trajtim për lëndime që nuk paraqesin rrezik për jetën, raporton Mirror, transmeton Klankosova.tv.