Tifozët rusë dhe serbë së bashku brohorisin “Rusia, Serbia”, në Australian Open (VIDEO)

Disa tifozë rusë dhe serbë kanë provokuar sot në ndeshjen mes tenistit serb, Novak Gjokoviq dhe atij rus, Andrey Rublev, duke shfaqur simbolin ‘Z’, fytyrën e presidentit rus, Vladimir Putin, si dhe flamuj rusë.

Pas ndeshjes, tifozët rusë dhe serbë u bashkuan duke mbajtur flamuj, disa prej tyre me fytyrën e Putinit, duke brohoritur “Rusia, Serbia, Rusia, Serbia”, njofton Klankosova.tv.

Just took a walk around Melbourne Park after filing and a group of people were standing on the Rod Laver Arena steps, holding up a flag with Vladimir Putin’s face and chanting in support of Russia. pic.twitter.com/2p0LfkyVC3

— Tumaini Carayol (@tumcarayol) January 25, 2023

Të njëjtit po ashtu kanë kërcënuar rojet e sigurisë dhe katër prej tyre tani po merren në pyetje nga policia.

“Katër persona në turmën që po dilnin nga stadiumi zbuluan flamuj dhe simbole të papërshtatshme dhe kërcënuan rojet e sigurisë”, thuhet në një deklaratë të Tenis Australia.

Tenistët nga Rusia dhe Bjellorusia nuk kanë qenë të lejuar të luajnë nën flamujt e kombit të tyre që nga fillimi i pushtimit të Ukrainës.

Organizatorët e Australian Open kanë ndaluar shfaqjen e flamujve të Rusisë dhe Bjellorusisë.