Testimet gjenetike: Sëmundjet zbulohen disa dekada më herët

Njerëzit së shpejti mund të skanohen në lindje për gjasat e zhvillimit të sëmundjeve vdekjeprurëse, disa dekada para se të shfaqen simptomat e para.

Teknika e dizajnuar nga Shkolla Mjekësore Harvard është po aq e thjeshtë si matja e kolesterolit.

Përmes kësaj teknike kalkulohet ndjeshmëria e sëmundjeve të arterieve koronare, diabeti i tipit 2, inflamacioni i zorrëve dhe kanceri i gjirit, si dhe mund të përdoret për sëmundje të zakonshme.

Në studimin e publikuar tek “Nature Genetics” ekspertët kanë thënë se mjekët tani mund të hetojnë faktorët e rrezikut shumë më herët, gjë që mundëson krijimin e trajtimeve të personalizuara për të parandaluar sëmundjet.