Tërmeti vdekjeprurës, presidentja e Venezuelës zotohet për shpëtimin e sa më shumë njerëzve

Presidentja e përkohshme e Venezuelës, Delcy Rodriguez, është zotuar të luftojë për të shpëtuar “sa më shumë njerëz të jetë e mundur”, ndërsa numri zyrtar i të vdekurve nga tërmeti më i keq i vendit në më shumë se një shekull pothuajse u dyfishua, por frustrimi po rritej për shkak të ngadalësisë së perceptuar të reagimit të qeverisë.

Vëllai i Rodríguez, Jorge, president i asamblesë kombëtare, tha të premten se numri zyrtar i të vdekurve ishte rritur në 920. Delcy Rodríguez kishte thënë më parë se pothuajse 3,000 njerëz ishin plagosur. Duke folur gjatë një turneu në La Guaira, rajoni më i shkatërruar, ajo tha se grupet e huaja të kërkim-shpëtimit po fillonin të mbërrinin, transmeton Klankosova.tv.

“Ne ofrojmë solidaritetin tonë [familjeve të viktimave]”, tha Rodriguez vonë të enjten jashtë rrënojave të një hoteli tetëkatësh buzë detit që ishte shkatërruar nga tërmete të dyfishta me magnitudë 7.2 dhe 7.5 ballë, raporton The Guardian.

Shefi i ndihmës së Kombeve të Bashkuara, Tom Fletcher, i tha agjencisë së lajmeve AFP se më shumë se 50,000 njerëz rezultojnë të zhdukur pas dy tërmeteve të fuqishme që goditën brenda një minute nga njëri-tjetri të mërkurën në mbrëmje, duke shembur ndërtesa në veri të vendit.

Vullnetarët e kërkimit dhe të afërmit e shumë të zhdukurve shprehën acarim dhe zemërim për mungesën e një përgjigjeje zyrtare, ndërsa prisnin ekipet qeveritare.