Temperatura deri në 41°C në Francë, qeveria kufizon alkoolin në festivale

Franca ka ndaluar alkoolin në disa evente të një festivali të madh kombëtar të muzikës, ndërsa vala e të nxehtit po i çon temperaturat drejt rekordeve.

Festimet vjetore të “Fête de la Musique” tërheqin miliona njerëz në rrugë, por me paralajmërimet më serioze për valë të nxehti të lëshuara për 35 departamente, qeveria ka ndaluar konsumimin e alkoolit në hapësira publike nën alarmet e kuqe, shkruan BBC, transmeton Klankosova.tv.

“Për të gjitha eventet e organizuara nga shteti dhe agjencitë e tij, janë dhënë udhëzime që të mos ofrohet alkool,” ka bërë të ditur zyra e kryeministrit Sébastien Lecornu.

Të dielën pritet që temperaturat të arrijnë 39-40°C nga jugperëndimi deri në rajonin e Parisit dhe Burgundy, ndërsa në disa zona mund të shkojnë deri në 41°C.